Bu dunyo – bir mehmonxona. Odamzod unda mehmon, xolos. Hech bir zot dunyoga ustun boʼlmagan. Shunga qaramay, odamlar qon toʼkishdan, bir-biriga zulm qilishdan toʼxtamaydi. Nega shunday ekan-a? Dunyoqarashlar oʼrtasidagi farq bunga sababmikin yoki boshqa jiddiyroq sabab bormikin?
Kitobda insoniyatning ilgʼor fikrli vakillarini azaldan oʼylantirib kelgan ana shunday savollarga javob izlangan. Muallif oʼtkir qalami bilan hayotning achchiq haqiqatlarini bor boʼy-basti bilan ochib tashlaydi, oʼquvchini reallik bilan roʼbaroʼ qiladi.
